Lajme
Stefanoviqi takohet me qeveritarët – Vetëvendosje përleshet me policinë
Ndërsa qeveritarët po takoheshin me Stefanoviqin, në protestën e Vetëvendosjes raportohet se janë lënduar edhe Kurti dhe Konjuvca
Ashtu siç ishte paralajmëruar, Lëvizja Vetëvendosje ka bllokuar sot hyrjen për në ndërtesën e re të Qeverisë së Kosovës ku pritej të vinte shefi i ekipit negociator serb Borisav Stefanoviq.
Aktivistë të Lëvizjes Vetëvendosje kanë gjuajtur me gurë dhe me shishe me ngjyrë të kuqe në oborrin e ndërtesës së re të Qeverisë së Kosovës, ku po zhvillohej takimi ndërmjet zëvendëskryeministrit të Kosovës Hajredin Kuçi dhe shefit të ekipit negociator të Serbisë, Borisllav Stefanoviq.
Policia ka përdorur gazlotësjellës kundër aktivistëve të Vetëvendosjes, ndërkohë që janë lënduar disa protestues. raportohet se në mesin e të lënduarve janë edhe Albin Kurti dhe Glauk Konjuvca.
Sipas një komunikate shtypi të Lëvizjes Vetëvendosje, nga dhuna e policisë janë lënduar aktivistët Gëzon Kastrati, Astrit Fazliu, Zgjim Hyseni, Veton Dragusha, Nystret Azemi dhe Naim Jakaj, të cilët janë dërguar në Emergjencë.
Aktivistët e Vetëvendosjes kanë gjuajtur me gurë dhe shishe me ngjyrë të kuqe në drejtim të veturave që ndodheshin në oborrin e ndërtesës së re të Qeverisë së Kosovës, me ç’rast disa vetura kanë pësuar dëme materiale.
KosovaPress raporton se protestuesit kanë brohoritur “Vetëvendosje-Vetëvendosje”, “Marre-marre” dhe parulla tjera kundër Qeverisë së Kosovës.
Në vendin e ngjarjes, pasdite ndodhen ende forca të shumta speciale të policisë së Kosovës.
Policia ka ndërprerë qarkullimin për vetura në rrugën përballë ndërtesës së re të Ekzekutivit.
E-Diaspora
-
Ekspozita personale “Gjurmët në Medalion” e Valbona Gashit hapet në Konsullatën e Kosovës në Gjenevë Mbrëmë, në hapësirat e Konsullatës së Përgjithshme të Republikës së Kosovës në Gjenevë, u hap ekspozita... -
Krasniqi: Mijëra fletëvotime nga diaspora rrezikojnë të mos arrijnë në kohë në Kosovë -
Mbahen takimet poetike të Nëntorit në Lucern -
Seminar i KKAD me temën “Sfidat e gjuhës shqipe në diasporë” -
Sot fillon afati 11-ditor për regjistrimin e votuesve jashtë Kosovës
Jeta në Austri
-
Piloti austriak bën ulje emergjente afër kufirit me Italinë Piloti austriak bën ulje emergjente në autostradën A2 në Karinthia pranë kufirit italian; nuk ka të... -
Influencerja e zhdukur austriake gjendet e vdekur, brenda një valixheje -
Me 23 nëntor mbahet në Vjenë “Turneu i Pavarësisë” -
Koncert festiv për ditën e Pavarësisë së Shqipërisë në Baden të Austrisë -
Vjenë
Orë letrare në Vjenë në shënim të Ditës së Flamurit











