Specialistët do të kenë pagën dyfish më të madhe

Kuvendi i Kosovës me shumicë e ka votuar Ligjin e ri për Paga në bazë të propozimeve të dala nga grupet punuese.

E, një nga kategoritë që ka përfituar më së shumti janë profesionistët shëndetësorë.

Kësisoj, sipas Ligjit të Ri për pagat, mjekët specialistë do të paguhen tani plot 1,200 euro në muaj pagë standarde bruto.

Paga e mëhershme e tyre ishte rreth 600 euro. Këtij lajmi iu gëzua edhe Ministri i Shëndetësisë së Kosovës, Uran Ismaili, përcjell albinfo.ch.

Përmes një postimi politik në rrjete sociale, ai shkroi: “U kry. Pagat më të larta në rajon për mjekët dhe infermierët tanë. Dekada e re për shëndetësinë tashmë ka nisur. I gëzofshi. Tani, e gjithë vëmendja te pacienti”.