Spanja nxit turistët të rikthehen në korrik

Spanja u kërkoi turisteve të huaj të hënën që të ktheheshin nga korriku pasi që një nga pengesat më të rrepta të Evropës u lehtësua.

Kombi i dytë më i vizituar në botë mbylli dyert dhe plazhet e tij në mars për të trajtuar pandeminë COVID-19, duke imponuar një karantinë dy-javore për vizitorët jashtë shtetit, shkruan reuters, përcjell albinfo.ch

Kjo mbyllje do të hiqet nga 1 korriku, thuhet në një deklaratë të qeverisë. “Më e keqja është pas nesh,” Ministri i Jashtëm Arancha Gonzalez Laya shkroi në twitter, duke i bashkangjitur emoji bikinesh, syze dielli dhe një valixhe.

“Në korrik do të hapim Spanjën gradualisht për turistët ndërkombëtarë, të heqim karantinën, të sigurojmë standardet më të larta të sigurisë shëndetësore. Ne ju mirëpresim!”, ka thënë ai.

Spanja normalisht tërheq 80 milion njerëz në vit me turizëm që llogaritin mbi 12% të produktit të brendshëm bruto dhe një pjesë edhe më të madhe të vendeve të punës, kështu që sezoni i verës është thelbësor për ekonominë e këtij shteti.

Spanja ka regjistruar 28.752 vdekje nga koronavirusi dhe 235.772 raste, por ka parë që vdekjet e përditshme të bien në më pak se 100 për javën e fundit, përcjell tutje albinfo.ch

 

---