Sot, në Gjenevë: Temperatura më e lartë e regjistruar këtë vit në Zvicër

pixabay

Temperaturat në Gjenevë kanë arritur në 39.5 gradë Celsius, mesditën e sotme. Shërbimi privat i motit Meteonews ka thënë se kjo është temperatura më e lartë e regjistruar deri më tani këtë vit në Zvicër, shkruan swissinfo, përcjell albinfo.ch.

“Fundi i linjës nuk është arritur ende”, shkroi Meteonews në një postim në X, ish-Twitter. Shërbimi pret që të enjten të bëhet edhe më i nxehtë, teksa arkivi tregon se në vitin 2015 rekordi i nxehtësisë për anën veriore të Alpeve në Zvicër u regjistrua në Gjenevë. Në atë kohë, termometri në qytet shënonte 39.7°C.

Sipas Meteonews, temperatura më e lartë deri tani këtë vit është matur në fshatin Chur të kantonit Graubünden, më 11 korrik. Ishte shënuar 37.6°C atë ditë.