Sot, dita e ushtrisë

Kosova pas gati 20 vite paslufte pritet të ketë ushtrinë e saj. Për këtë pritet të votohet në Kuvendin e Kosovës, ku edhe partitë opozitare kanë shprehur se do të votojnë për transformimin e FSK-së në ushtri, shkruan albinfo.ch.

Derisa NATO dhe BE në fillim ishin pesimiste, Shtetet e Bashkuara të Amerikës kanë përkrahur Kosovën që të ketë ushtrinë e saj.

Sot në ora 10:00, do të fillojë seanca plenare e Kuvendit të Republikës së Kosovës, për ushtrinë ku në rend dite do të jenë tri pika.

1. Shqyrtimi i dytë i Projektligjit për Ministrinë e Mbrojtjes,
2. Shqyrtimi i dytë i Projektligjit për Forcën e Sigurisë së Kosovës dhe
3. Shqyrtimi i dytë i Projektligjit për shërbim në Forcën e Sigurisë së Kosovës.