Sonte në Vjenë mbahet mesha e Krishtlindjes në gjuhën shqipe

Sonte, duke filluar nga ora 21.30 në Vjenë do të mbahet mesha e Krishtlindjes në gjuhën shqipe.

Mesha kryesore do të mbahet në qarkun (Bezirkun) e 15-të, në kishën ku besimtarët shqiptarë mblidhen në meshë çdo të diel dhe ditë feste. Meshën do ta udhëheqë meshtari shqiptar në Austri, Don Nikson Shabani.

Mesha e Krishtlindjes do të mbahet edhe në misione të tjera katolike shqiptare kudo nëpër botë, ndërkohë në Kosovë, mesha kryesore do të mbahet në mesnatë në katedralen “Shën Nënë Tereza” në Prishtinë dhe mesha do të udhëhiqet nga Ipeshkvi Don Dodë Gjergji.