Sonte fillon “Gjermania kërkon super-yllin (DSDS)”

Siç bëhet e ditur një shqiptare që do të shfaqet para jurisë do të jetë Arta Selimi nga Gjilani e cila vite më parë ishte kandidate në X Factor Albania

Edicioni i 13-të i njërit nga spektaklet më të njohur në Gjermani për zbulimin e talenteve të muzikës “Deutschland sucht den Superstar”(Gjermania kërkon super-yllin) fillon sonte (e shtunë).

Me juri të re, moto të re dhe këngëtarë të rinj, pritet që ai edhe këtë vit të tërheq vëmendjen e opinionit gjermanishtfolës. Sipas medieve gjermane, nata e sontme përpos kandidatëve të cilët do të shfaqin talentin e tyre muzikor, do të sjellë edhe kandidatë të cilët do të sjellin të qeshura para publikut dhe teleshikuesve.

Si në çdo edicion tjetër edhe këtë vit pritet të shfaqen edhe kandidatë shqiptarë. Siç bëhet e ditur një shqiptare që do të shfaqet para jurisë do të jetë Arta Selimi nga Gjilani e cila vite më parë ishte kandidate në X Factor Albania.

Deri më tash shqiptari që ka arritur më së shumti në këtë shou është Ardian Bujupi i cili kishte zënë vendin e tretë.

Anëtarë të jurisë për këtë edicion janë: Dieter Bohlen, H.P. Baxxter, Vanessa Tai dhe Helena Fischer.