Sommaruga në OKB apelon për më shumë unitet në mes shteteve

Presidentja e Federatës së Zvicrës, Simonetta Sommaruga në fjalimin e saj të mbajtur të hënën në Asamblenë e përgjithshme të OKB-së në Nju Jork ka apeluar për më shumë frymë përbashkësie ne mes të shteteve.

Ajo ka theksuar se edhe më tutje ndodh shumë shpesh që interesat nacionale të bëhen pengesë kur është fjala për zgjidhjen e problemeve aktuale. Kështu për shembull, kriza e refugjatëve në lindjen e afërme mund të zgjidhet vetëm në mënyrë të përbashkët, përndryshe të gjithë në fund do të jemi humbës. Humbin migrantët dhe solidariteti në mes të shteteve dështon.

Sommaruga kërkon një OKB të fuqishme dhe të gatshme për reformim. Kjo për faktin se në botë ka shumë kriza dhe luftëra. Pastaj, ka shtuar ajo, mirëqenia në botë nuk është e ndarë as afërsisht në mënyrë të barabartë.

Zvicra është e bindur se një qasje thjesht ushtarake nuk mjafton për zgjidhjen e konfliktit. OKB-ja duhet që secilin nga misinet e saj ta ndërtojë mbi një strategji për zgjidhje të qëndrueshme të konfliktit.

Nga ana tjetër Sommaruga ka thënë se sistemi humanitar po vjen në kufijtë e vet të fundit të durimit pasi që krizat janë bërë më të shumta në numër, më të gjata dhe më komplekse. Në vitin  2015 në botë kanë kërkuar ndihë humanitare 82 milionë njerëz, numër ky më i madhi në historinë   deritashme