Skënderbeu nuk i frikësohet askujt në Evropë

Pasi kaluan në fazën e grupeve të Ligës së Evropës dhe eliminuan Dinamon e Zagrebit, Skënderbeu nuk i frikësohet askujt

Skënderbeu sërish ka shkruar historinë për sportin shqiptar. Skuadra korçare është kualifikuar në fazën e grupeve në Ligën e Kampionëve, duke eliminuar Dinamon e Zagrebit.

Presidenti dhe futbollistët e klubit e Skënderbeut kanë thënë se nuk i frikësohen askujt. “Nuk duhet të punojmë vetëm për klubin, por edhe për lojtarët. Kënaqemi për të gjithë ata që kanë qenë pjesë e jona. Frika më e madhe ishte nga fundi, pasi ishim me 10 lojtarë”, deklaroi presidenti Ardian Takaj.

Ndërkohë, kapiteni Orges Shehi shtoi: “Është kënaqësi e madhe që kemi luajtur edhe para dy vjetësh në Ligën e Evropës, por duke eliminuar skuadra kaq të forta na dha një emocion të jashtëzakonshëm”.

Futbollisti nga Kosova, Liridon Latifi ka zhvilluar ndeshjen e fundit me Skënderbeun, pasi do të vazhdojë karrierën në Hungari. “Jam munduar të jap me të mirën. Jam i mërzitur që po largohem po kështu e ka futbolli. Primare për ne ka qenë kualifikimi. Një kualifikim i tillë ka përfitime ekonomike për të dyja palët”, theksoi Latifi.