Lajme
Situatë dramatike me zjarret në Greqi, shpërthejnë depot e municioneve

Situata nga zjarret është përkeqësuar në Volos të Greqisë, pasi flakët kanë bërë që të shpërthejnë depot e municioneve të Forcave Ajrore që ndodhen në Nea Aghialos.
Shpërthimet kanë ndodhur në magazinat në krahun e 111-të luftarak të Forcave Ajrore, ku ruhen municionet për gatishmërinë e avionëve luftarakë që ngrihen kur ka shkelje në detin Egje.
Në zonë raportohet se gjenden edhe tanke mbi tokë dhe nëntokë si dhe depozita karburanti, ndërsa vala goditëse e shpërthimit ka qenë aq e fortë sa është dëgjuar deri në Volos dhe Skopelos.
“Dëgjohen shpërthime mes Nea Anchialos dhe Mikrothibe. Ka një depo municionesh në Karamba dhe disa pika karburanti. Situata po vështirësohet. Po evakuojmë njerëzit me autobus për në Volos. Nëse erërat nuk pushojnë, do të kemi një problem të madh”, tha për mediat presidentja e kampit ushtarak të Nea Anchialos, Paraskevi Pyrgani Paraskevopoulos.
Flakët janë shkaktuar nga erërat shumë të forta dhe ka qenë e pamundur të shuheshin, megjithëse kampi ruhej nga zjarrfikës.
Forca Ajrore u urdhërua të evakuonte objektet me afrimin e flakëve. Personeli që shërbente në objektin e veçantë të municioneve u evakuua me kohë sipas zyrtarëve të Shefit të Shtabit Ajror.
Pamje tronditëse të tri shpërthimeve të njëpasnjëshme janë kapur në kamera gjatë transmetimit direkt të mediave greke, ndërsa flakët nga fronti i zjarrtë i janë afruar zonës së banuar.
Forca të shumta policie ndodhen në vendngjarje, duke u dhënë udhëzime banorëve se si të largohen, ndërsa në zonë mbizotëron një gjendje alarmi, me kambanat në kisha që po bien vazhdimisht me qëllim që të finalizohet evakuimi.
Siç raportojnë mediat lokale, njerëzit u larguan edhe me varka nga deti, ndërsa policia po shkon derë më derë duke u bërë thirrje të braktisin shtëpitë e tyre pasi zjarri afrohet me shpejtësi.
E-Diaspora
-
Aksident tragjik në Gjermani, humb jetën një mërgimtar nga Peja Një aksident fatal ka ndodhur në Gjermani, ku ka humbur jetën N. Lushi nga Peja. Lajmi...
-
Bolonjë: Kapet shqiptari me 1 kg kokainë
-
“Kosova in Berlin – Edicioni i Dytë 2025”
-
Pas një incidenti, 14 vjeçarja shqiptare humb jetën në këtë shtet
-
Nxënësit nga diaspora në shtetin gjerman mbyllin vitin shkollor me një eksursion në Nürnberg
Jeta në Austri
-
Gjermania do të ndjekë shembullin e Austrisë dhe do të deportojë sirianët e dënuar Gjermania do të fillojë deportimin e sirianëve me precedentë kriminalë, tha ministria e brendshme të shtunën,...
-
Banka Qendrore e Austrisë instalon bankomate për të kapërcyer hendekun rural të parave të gatshme
-
Tragjedi në Festival: Vdes një 22-vjeçar pas një incidenti sigurie
-
Universitetet austriake duan rregulla më të rrepta për pranimin e studentëve të huaj
-
Salzburg: Rrëzohet një aeroplan në pyll, shpërthen zjarri