Sipërmarrësi shqiptar në Londër, fitues i çmimit “ICT Startupi i Vitit”

Sipërmarrësi shqiptar Geri Cupi, me veprimtari në Londër, u shpall fitues i çmimit “ICT Startupi i Vitit” në edicionin e 8-të të ICT Awards, për projektin e tij “MonoChain”. ICT Awards janë vlerësime për talentet në fushën e teknologjisë nga trevat shqipfolëse, transmeton albinfo.ch.

U përmbyll edicioni i 8-të i garës mbarëkombëtare në teknologji me shpalljen e fituesve në Mbrëmjen Gala. Mbrëmja Gala e edicionit të 8-të të ICT Awards erdhi pas një pritjeje të gjatë prej më shumë se 5 muajsh dhe u organizua duke respektuar masat e marra nga autoritetet në kuadër të parandalimit të përhapjes së Covid-19.

Fitues i çmimit ICT Startupi i Vitit për edicionin e 8-të të ICT Awards u shpall Geri Cupi me projektin blockchain MonoChain, shkruan albinfo.ch.

MonoChain është një platformë B2B që synon të lehtësojë rishitjen për përdoruesit dhe mundësuar markave të monetizojnë tregun e rishitjeve. Platforma u inkubua në Plug and Play. Në Tetor të 2019-ës nisi një bashkëpunim me gjigantin Oracle. Partnerë të tjerë janë Levi’s, Sëarosvki dhe De La Rue. Monochain operon në tre zyra në Prishtinë, Londër dhe Nju Jork. /Albinfo.ch