Sioni e kërkon Behramin

Valon Behrami mund të rikthehet në Superligën zvicerane, duke kaluar te Sioni

Mesfushorit shqiptar, Valon Behrami i ka përfunduar kontrata me skuadrën e Udineses në Serie A.

Behrami është duke kërkuar një skuadër të re, derisa ditë më parë u përfol se mund të transferohet në Kampionatin amerikan, shkruan albinfo.ch.

Megjithatë, mediat zvicerane raportojnë se Behrami e ka kërkuar mesfushorin shqiptar. Presidenti i skuadrës zvicerane është admirues i Behramit, kurse kishte tentuar edhe më parë që ta transferonte.

Nga skuadra e Sionit është larguar mesfushori tjetër veteran Burim Kukeli dhe pikërisht Behrami mund ta zëvendësojë që mund të jetë skuadra e fundit në karrierën e tij.

Ai ka karrierë të pasur në arenën ndërkombëtare, duke luajtur me plot sukses edhe për Zvicrën.

 

---