Signal forcon privatësinë e komunikimit

Kompania amerikane “Signal”, e njohur për programin e komunikimit dixhital me të njëjtin emër, po prezanton masa shtesë për mbrojtjen e privatësisë së përdoruesve, në mënyrë që në të ardhmen ata të mund të përdorin emrat e përdoruesve në vend të numrave të telefonit të kontaktit.

“Numri juaj i telefonit nuk do të jetë më i dukshëm për të gjithë njerëzit në aplikacionin “Signal”. Ju do të jeni në gjendje të kontaktoni këdo pa ndarë numrin tuaj dhe të kontrolloni se kush mund t’ju gjejë në aplikacion“, tha kompania në faqen e saj të internetit.

Kjo do të thotë nëse krijoni një emër përdoruesi, ai do të jetë i padukshëm në profil. Njerëzit të cilëve u dërgoni mesazh në aplikacion gjithashtu nuk mund ta shohin ose të gjejnë emrin tuaj të përdoruesit, përveç nëse e ndani atë me ta. Klientët mund të krijojnë një emër përdoruesi përmes cilësimeve të profilit të tyre dhe ai duhet të përmbajë dy ose më shumë numra në fund.

Opsioni i emrit të përdoruesit është aktualisht i disponueshëm në beta dhe do të jetë i disponueshëm për të gjithë përdoruesit në javët e ardhshme. Për momentin, Signal kërkon ende numrin e telefonit kur përdoruesi regjistrohet në aplikacion.