Si ndikoi virusi në turizmin evropian

Koronavirusi ka ndikuar jo vetëm në ekonomi e shëndetësi, por edhe në turizmin evropian

Sektori evropian i turizmit ka humbur dy milionë netë në hotele, që nga janari, për shkak të epidemisë së koronavirusit, tha eurokomisioneri për Ekonominë Thierry Breton, i cili i vlerëson humbjet në këtë industri në një miliard euro më pak në muaj.

“Që nga janari, janë dy milionë netë më pak për industrinë evropiane të turizmit dhe rreth një miliard euro më pak çdo muaj për sektorin”, tha në një intervistë për shtyp komisioneri francez, përgjegjës për Tregun e Brendshëm, transmeton ATSH.

Kina, vendi “emetues” më i madh i turistëve, me afro 150 milionë udhëtime jashtë vendit në 2018, i pezulloi udhëtimet jashtë vendit më 25 janar, në përpjekje për të ndaluar përhapjen e epidemisë, përcjell albinfo.ch.

Ajo është, gjithashtu, edhe vendi në të cilin shtetasit kalojnë më së shumti ndërsa udhëtojnë.

Vetëm për Evropën, udhëtarët që vizituan Perandorinë e Mesme përfaqësuan 30,2 % të vlerës totale të shitjeve me vlerësim zero në vitin 2019, sipas kompanisë së specializuar “Planet”.

---