Konflikti në Ukrainë po ndikon edhe në farmacitë zvicerane

Keystone

Shqetësimi i përgjithshëm për situatën në Ukrainë po shihet në farmacitë anembanë vendit. Farmacistët thonë se ka më shumë kërkesa për pilula gjumi dhe qetësues, si dhe pilula jodi.

Jodi është një masë parandaluese në rast të helmimit nga rrezatimi.

Shoqata Zvicerane e Farmacistëve thotë se kërkesa për jod po nxitet nga frika e një aksidenti bërthamor në Ukrainë, si dhe nga kërcënimet e Putinit për të vënë në gatishmëri arsenalin bërthamor të Rusisë, shkruajnë mediat zvicerane, përcjell albinfo.ch.

Ekspertët theksojnë se jodi duhet të merret vetëm nëse qeveria thotë se ka një emergjencë bërthamore – dhe më pas pilulat do të shpërndahen falas.

Siguruesi shëndetësor Helsana thotë se ndërsa konflikti ukrainas sigurisht që ka një efekt – është ende shumë herët për të nxjerrë ndonjë gjykim përfundimtar.