Shumë zviceranë favorizojnë teknologjinë 5G

(KEYSTONE/Urs Flueeler)

Zvicra ishte ndër vendet e para që filloi vendosjen e 5G, por frika shëndetësore nga rrezatimi nga antenat ka ngjallur shumë kundërshtime ndaj teknologjisë së re, përcjell albinfo.ch.

Në një sondazh zviceran të kryer në vitin 2020, shumica e të anketuarve ishin kundër antenave të rrjetit 5G në afërsi të shtëpive të tyre.

Megjithatë, një studim i ngjashëm i publikuar këtë javë nga faqja e konsumatorit bonus.ch tregon se gati gjysma (49 për qind) e të anketuarve mbështesin teknologjinë 5G, krahasuar me vetëm 35 për qind më 2020. Vetëm 27 kanë një opinion të pafavorshëm, krahasuar me 44 për qind dy vjet më parë.

Në sondazhin e ri, 55 për qind përmendën përparimet teknologjike si arsye për mbështetjen e tyre ndaj rrjeteve 5G, të ndjekur nga ata që shohin avantazhet e kësaj teknologjie – si shpejtësia e përmirësuar – dhe reduktimi i konsumit të energjisë.

Nga ana tjetër, frika për mjedisin dhe për sigurinë kibernetike po fiton terren në krahasim me vitin 2020, sipas sondazhit.