Shumë flitet, pak luftohet korrupsioni

Deri tash, Preteni thotë se nuk është bërë shumë në luftimin. Sipas tij, flitet shumë, por punohet pak në luftën kundër tij.

Shkalla e korrupsionit në Kosovë është duke u thelluar, thonë përfaqësues të organizatave që merren me parandalimin e kësaj dukurie, duke veçuar nivelin lokal.

Edhe zyrtarë të Agjencisë Kosovare Kundër Korrupsionit, kanë thënë se kanë hasur në raste 　të tilla.　Drejtuesi i Agjencisë Kosovare Kundër Korrupsionit, Hasan Preteni ka thënë se janë duke parandaluar një aktivitet tenderues në një komunë të Kosovës, që sipas Pretenit dyshohet për keqpërdorime.Aktivitete të tilla, sipas tij, zbatohen në vazhdimësi, por që ende mbetet shumë punë për të bërë.

Deri tash, Preteni thotë se nuk është bërë shumë në luftimin e kësaj dukurie. Për korrupsionin, sipas tij, flitet shumë, por punohet pak në luftën kundër tij.Sipas të dhënave të një raportit ende ta papublikuar të Agjencisë Kundër Korrupsionit, ka shumë raste të dyshuara për korrupsion në nivelin lokal.

Preteni bënë të ditur se ky raport do të publikohet brenda disa ditësh, ndërkohë që thekson se numri më i madh i rasteve të paraqitura për korrupsion vjen nga ndërmarrjet publike, pastaj nga qeveria, pushteti lokal dhe gjykatat.Edhe udhëheqës të organizatave joqeveritare, të cilat merren me parandalimin e korrupsionit, kanë deklaruar se lufta kundër korrupsionit nuk ka treguar ndonjë rezultat konkret.

Sipas tyre, korrupsioni në nivelin lokal ka efekte tejet negative, dhe ata të cilët e pësojnë janë qytetarët e Kosovës.Kurse EULEX-i, ka kërkuar nga autoritetet kosovare që të merren me rastet e korrupsionit edhe në nivelin lokal.Së fundmi, Presidentja e Kosovës Atifete Jahjaga, është përfshirë në betejën anti-korrupsion, duke themeluar　Këshillin Kombëtar Kundër Korrupsionit./albinfo&rel/