Shtyhet gjykimi i J. G. për vrasjen e truprojes në Cyrih

Procesi gjyqësor që do të zgjaste katër ditë, kundër shqiptarit është dashur të zhvillohej me fillim nga 11 shtatori

Një shqiptar 35-vjeçar nga Kosova, (J.G.) me shtetësi zvicerane, akuzohet se para katër vjetësh në Zürich (Affoltern) kishte vrarë në rrugë me armë zjarri  një badigard 30-vjeçar me prejardhje serbe, shkruan albinfo.ch.

Vrasjes i ka paraprirë një konflikt në mes të dyve që kishte zgjatur kohë të gjatë.

Procesi gjyqësor që do të zgjaste katër ditë kundër shqiptarit është dashur të zhvillohej me fillim nga 11 shtatori. Por sot, më 4 shtator Gjykata e Qarkut e Cyrihut ka njoftuar se gjykimi nuk do të zhvillohet. Njëri nga mbrojtësit zyrtarë të kosovarit ka kërkuar shtyrjen e procesit, ndërsa ende nuk është caktuar data e fillimit të tij në të ardhmen.

Avokati thuhet ta ketë kërkuar shtyrjen për shkaqe shëndetësore, shkruan 20minuten.ch.

I akuzuari që nga rinia e tij kishte rënë në kundërshtim me ligjin dhe është dënuar disa herë. Ai për vite të tëra ka jetuar nga ndihmat sociale dhe nga tregtia me kanabis.

Hetimet e zhvilluara ndaj tij, pas arrestimit që ka ndodhur disa ditë pas vrasjes, kanë gjetur disa vepra penale si: vrasja, mashtrimi për vrasje, pengimi i punës së autoriteteve zyrtare etj.

---