Shtyhet finalja Drita-Lienfield, njoftimi i UEFA-s për anulimin e ndeshjes

Finalja e paraeliminatoreve mes Lienfiled dhe Dritës është shtyrë. Ky ka qënë postimi i Lienfield në rrjetet sociale pak minuta më parë. Arsyeja ka të bëjë me Covid-19 dhe lëmshin e krijuar nga UEFA, transmeton albinfo.ch.

Ky takim ishte planifikuar të luhej në orën 18.00, në Colovray Stadium. Nga momenti në moment priten të reja nga UEFA.

Ndeshja parashihej të zhvillohej në Nyon të Zvicrës, në “Colovray Stadium”, nga ora 18:00 në pasditën e sotme.

Në njoftimin e UEFA-s thuhet: “Pas vendimeve nga autoritetet zvicerane të shëndetit, në bashkëpunim me UEFA-n, e gjithë skuadra e Dritës është në karantinë”.

Nga ana tjetër, edhe klubi futbollistik i Dritës ka njoftuar për anulimin e ndeshjes.

Njoftimi i plotë:

Ju njoftojme qe ndeshja finale e paraparë të zhvillohet sot në orën 18:00 me kampionin e Irlandës së Veriut, Linfild është anuluar.

Vendimi është marrë nga autoritetet zvicerane për shkak që në testimin e fundit një lojtar i klubit tonë ka rezultuar pozitiv!