Shtohen akuzat kundër Kevin Spacey

Skandali rreth sjelljes abuzive të aktorit Kevin Spacey nuk ka të pushuar, derisa më shumë burra kanë pohuar se si aktori tentoi ose i abuzoi seksualisht.

Regjisori Tony Montana pohon se ishte ngacmuar nga aktori në një lokal në Los Angeles në vitin 2003. Montana thotë se pati telashe shëndetësore për disa muaj pas dhunës fizike që Spacey shtroi ndaj tij. Montana foli me mediat dhe tha se kishte rreth 30 vjet kur ndodhi incidenti. Ndonëse tentoi të ikte, tha ai, Spacey e ndoqi deri në tualet, përcjell albinfo.ch.

Incidente të ngjashme që lidhen me aktorin Spacey janë publikuar edhe në Britani të Madhe, derisa fituesi i dyfishtë i shpërblimit Oscar ishte drejtor artistik i teatrit Old Vic në Londër mes viteve 2004 dhe 2015.

Aktori meksikan, Roberto Cavazos i cili aktroi në disa shfaqje, pohon se Spacey e kishte shprehi rutinore të ngacmonte aktorët e rinj. Pas skandaleve të aktorit, përpos anulimit të serisë House of Cards, edhe Emmy ka njoftuar se nuk do t’i ndajë shpërblimin e posaçëm që aktori do të duhej ta merrte muajin e ardhshëm.