Maqedonasit nga sot mund të hyjnë në Bullgari me test negativ PCR

Keystone

Shtetasit e Maqedonisë së Veriut prej sot do të mund të hyjnë në Bullgari me test negativ për COVID-19.

Ky vendim erdhi si rezultat i lehtësimit të masave nga ky shtet.

Përveç shtetasit e Maqedonisë së Veriut, me test negativ për koronavirus jo më të vjetër se 72 orë, në Bullgari do të mund të hyjnë edhe shtetasit e Serbisë, Moldavisë, Izraelit dhe Kuvajtit, përcjell albinfo.ch.

Vendimi sipas qeverisë bullgare, është marrë në lidhje me kërkesat e sektorit të turizmit atje.

Për dallim nga Bullgaria, Greqia e ka vazhduar ndalesën për hyrjen e shtetasve të Maqedonisë së Veriut deri më 31 korrik.