Futboll

Shqiptari 16-vjeçar nënshkruan kontratë me Leipzigun në Bundesligë

Mehmet Ibrahimi ka nënshkruar kontratë profesionale me ekipin e njohur futbollistik të Bundesligë gjermane, Leipzig

E enjte, 19 Dhjetor 2019 - 14:00 albinfo.ch

Është bërë e ditur se futbollisti me prejardhje shqiptare, Mehmet Ibrahimi, ka nënshkruar kontratë profesionale me klubin e Leipzigut në Bundesligën gjermane.

Informacionet e fundit tregojnë se 16-vjeçari është shpërblyer me kontratë profesionale, pasi tregoi sukses dhe shkëlqeu me grupmoshat e reja.

Sipas statistikave, në 14 ndeshje për grupmoshat U17 të Leipzigut, ai ka shënuar katër gola dhe një asistim.

Po ashtu, Mehmeti ka zhvilluar edhe dy ndeshje për grupmoshat U17 për Kombëtaren e Gjermanisë.

Mediat gjermane shkruajnë se Ibrahimi po del të jetë një mjeshtër i vërtetë nga gjuajtjet e lira, përcjell albinfo.ch.

 Të ngjashme

Gjykata e lartë e Aargaut liron para kohe shqiptarin që ka kryer vrasje

 Të tjera nga Futboll

Ardon Jashari po tërheq interesin e gjigantëve vetëm pas një sezoni me Club Brugge

 E-Diaspora

 Jeta në Austri