Nxënësit shqiptarë në Angli, Kroaci e Turqi pajisen me tekste shkollore

Sot Qendra e Botimeve për Diasporën në bashkëpunim me Ministrinë për Europën dhe Punët e Jashtme dhe Postën Shqiptare përmbylli dërgesën me tekstet shkollore për mësimdhënien në Diasporë drejt Anglisë, Kroacisë e Turqisë.

Tekstet për fëmijët dhe mësuesit e Diasporës janë falas dhe kanë pikëmbërritje qytetet kryesore të shteteve përkatëse.

Kujtojmë që qëllimi i ministrive dhe QBD-së është pajisja me tekste shkollore nëpër të gjitha shtetet me shqiptarë, në mënyrë të shkollimit të denjë në gjuhën shqipe për mësimdhënësit dhe nxënësit jashtë trojeve shqiptare.

Këto institucione kanë bërë të ditur që po vazhdon puna edhe për vendet e tjera shumë shpejt, përcjell albinfo.ch.

---