Shqipëria U17 mposhtet nga shqiptarët e Zvicrës

Në ndeshjen që ishte e vlefshme për eliminatoret e Evropianit për grupmoshën U17, Zvicra mundi Shqipërinë me rezultat 2:0. Lojën e nisën 18 lojtarë shqiptarë, 7 nga Zvicra

Kombëtarja shqiptare e grupmoshave të reja U17 u mposht nga Kombëtarja e Zvicrës me rezultat 0:2, e cila kësaj here dominohej nga shqiptarët. Në këtë ndeshje e që ishte e vlefshme për eliminatoret e Evropianit për grupmoshën deri në 17 vjeç, lojën e nisën 18 lojtarë shqiptarë.

Ajo që ra në sy në këtë ndeshje ishte prania e madhe lojtarëve me origjinë shqiptare që luajnë për kombëtaren helvetike, raporton TCH. Në nisjen e takimit në fushën e lojës u inkuadruan 18 lojtarë shqiptarë, ndërsa në stol të Zvicra ishin edhe tre lojtarë të tjerë po ashtu me origjinë shqiptare,.

Madje edhe golat në këtë ndeshje u shënuan nga dy shqiptarët që luajnë me Zvicrën, Zeqiri dhe Kameraj, i cili u zëvendësua në pjesën e dytë nga një tjetër shqiptar, Asllani.

Kjo paraqitje e madhe e shqiptarëve në ekipin e shpresave të Zvicrës, tregon se futbollistët me origjinë shqiptare po dominojnë në futbollin helvetik. Sipas kësaj performace, këta lojtarë do të jetë shpresat e ekipit zviceran por edhe të Shqipërisë dhe Kosovës në të ardhmen.