Shqipëria

Shqipëria rrit eksportet drejt Zvicrës

Eksportet e produkteve shqiptare, kryesisht prodhimet bujqësore, materialet e ndërtimit, mineralet dhe metalet po rrisin praninë e tyre në tregjet zvicerane

E shtunë, 3 Korrik 2021 - 20:20 albinfo.ch

Referuar të dhënave të raportit të tregtisë së jashtme, publikuar së fundmi nga Instituti i Statistikave (INSTAT), eksportet shqiptare drejt Zvicrës gjatë periudhës janar-maj llogariten mbi 1 miliard lekë, nga 345 milionë lekë që ishin në pesëmujorin e parë të 2020-ës, transmeton Atsh, përcjell Albinfo.ch.

Ndryshe nga eksportet, importet shënuan rënie gjatë kësaj periudhe. Nga 4.6 miliardë lekë mallra që u importuan në pesëmujorin e parë të 2020-ës, në periudhën janar-maj të këtij viti u importuan 3.9 miliardë lekë.