Shqipëria në katalogët e agjencive zvicerane të turizmit

Në Shqipëri ka shumë plazhe dhe vende të bukura, ku sigurisht se edhe zviceranët do të mbeten të mrekulluar

Banorët zviceranë pritet të mbushin plazhet shqiptare. Kjo sepse operatorët turistikë kanë shtuar si destinacion Shqipërinë në programin veror 2019 dhe shpresojnë që të ketë sa më shumë rezervime, shkruajnë mediat zvicerane.

Nuk është për t’u befasuar që Shqipëria, është një destinacion për vitin 2019 dhe operatorët e kanë vënë në katalogët e tyre, përcjell albinfo.ch.

Dikur një vend i izoluar në kohën e komunizmit, tashmë vendi po lulëzon nga turizmi.

Kështu thotë edhe Nicole Pfammatter, përgjegjës për pushimet në “Hotelplan Suisse”.

Ai thotë se plazhet janë shumë të bukura, çmimet janë të mira në bazë të standardit dhe shqiptarët i presin shumë mirë turistët. Në Durrës dhe Sarandë, dy vendpushimet e mëdha bregdetare, ka hotele me 3 dhe 4 yje.

Ai gjithashtu kërkon mirëkuptim nëse shërbimi nuk është edhe aq cilësor. Por, ai e pranon se Shqipëria është përfshirë në katalogët e tyre, për shkak se Edelweiss dhe Germania fluturojnë në Tiranë dhe garantojnë një sasi të caktuar vizitorësh.

Në Shqipëri ka shumë plazhe dhe vende të bukura, ku sigurisht se edhe zviceranët do të mbeten të mrekulluar.

linku i plote

---