Shqipëria humbet 3:1 nga Ukraina

Miqësoren e fundit para Evropianit e kanë humbur kuqezinjtë në Bergamo.

Fillimi ishte i mbarë për kuqezinjtë, që rrezikuan që në minutën e shtatë, pas një aksioni të bukur mes Kaçes dhe Abrashit, por që për fat të keq u devijua në këndore. Gjithsesi, problem i zakonshëm i Shqipërisë në miqësoret pas kualifikimit në Evropian u shfaq në minutën e tetë, kur Ukraina në të parën zbritje arriti të kalojë në epërsi me Stepanenkon. Nga ana tjetër Armando Sadiku barazon në minutën e12-të i shërbyer nga Roshi.

Pjesa e dytë nisi sërish me problemin e zakonshëm të pësimit të golit të shpejtë. Yarmolenko shënoi sërish për Ukrainën. Ashtu si në pjesën e parë Shqipëria rrezikoi menjëherë me Ajetin e Sadikun.

Ka qenë minuta e 87-të, kur Konoplyanka përfitoi nga një gabim i Agollit në mbrojtje duke shënuar edhe golin e tretë që vulosi gjithçka. Megjithë përpjekjet e kuqezinjëve rezultati final mbetet 3:1 për Ukrainën.

Përballja me Ukrainën ishte testi i fundit për Shiqpërinë para startimit të Euro 2016-s.