Shqipëria e 4-ta, në botë për t’u vizituar sivjet

Gazeta “New York Times” e ka radhitur Shqipërinë si vendin e katërtë për të vizituar gjatë vitit 20014. Në këtë renditje përfshihen 42 shtete më të bukura të botës

Gazeta më me ndikim në Shtetet e Bashkuara të Amerikës “New York Times” e ka radhitur Shqipërinë si vendin e katërtë për të vizituar gjatë vitit 20014. Në këtë renditje përfshihen 42 shtete më të bukura të botës, ndërsa Shqipëria me dy kulturat e saj, antike dhe perëndimore konsiderohet si perla e Ballkanit.

Në përshkrim nuk lihen pa u përmendur edhe ndryshimet pozitive të qeverisë së re.

“Sikur të mund të kombinonit bukurinë e thyer që gjeni në bregdetin Dalmat të Kroacisë me rrënojat e pazbuluara të Turqisë apo Greqisë, të gjitha të mbështjella me karakteristikën e butë të natyrës së Italisë rurale me vetëm pak kosto, rezulton se ky vend është Shqipëria”, nis shkrimi përshkrues në prestigjiozen NYT.

Shqipëria shtrihet midis Greqisë dhe Malit të Zi dhe rreth 45 milje në lindje të Itali, përshkuan gazeta.

“Në brigjet lindore të Adriatikut me plazhe gëlqerore të rrethuara nga rrënojat e lashta të Butrintit dhe shtëpi plazhi ku mund të qëndroni për më pak se 50 dollarë nata”, vijon më tej përshkrimi i “New York Times”, të cilin e citojnë mediet në Tiranë.

Përgjatë përshkrimit nuk është anashkaluar as ndryshimi i qeverisë dhe premtimet e saj. Zhvillimi i shfrenuar kërcënonte për t’i kthyer të gjitha në beton në vitet pas komunizmit, por një qeveri e re, sipas NYT, mori detyrën në muajin shtator në premtimet e mbajtjes së bregdetin autentik.

“Qeparo me sytë nga Korfuzi, mund të kaloni me kajak mbi tunelet e nëndetëseve të së kaluarës së Luftës së Ftohtë. Të notosh në kalatë e braktisura dhe të shikosh teksa rriten dallgët gjatë një darke me peshk të freskët. Kjo është Evropa ku çdo gjë është e freskët dhe e lirë”, përmbyllet artikulli i NYT.