Shqipëri: Një viktimë dhe 82 raste të reja me COVID-19

Ministria e Shëndetësisë dhe Mbrojtjes Sociale e Shqipërisë ka bërë të ditur se gjatë 24 orëve të fundit janë kryer 331 testime për të dyshuarit e prekur me COVID-19, nga të cilat janë konfirmuar 82 raste pozitive.

Ndërsa, një 69-vjeçar nga Shkodra ka humbur jetën si pasojë e infektimit, shkruan albinfo.ch.

Aktualisht në Spitalin Infektiv dhe spitalin “Shefqet Ndroqi” po trajtohen 123 pacientë, 17 në terapi intensive dhe 1 pacient është i intubuar.

Me numrin e rasteve prinë Tirana 32 raste, nga 7 raste në Kavajë e Fier, 5 në Korçë, nga 4 raste Shkodër, Durrës, Elbasan, nga 3 raste në Krujë, Kurbin, nga 2 raste në Lezhë, Vlorë, Mirditë, Dibër, dhe nga 1 rast në Has, Lushnje, Mallakastër, Kukës, Ura Vajgurore.

Deri më tash në Shqipëri janë konfirmuar 4090 raste me koronavirus, prej tyre 2311 janë të shëruar, 1667 janë raste ende aktive dhe 112 persona kanë vdekur.