Shqipëri, 19 të shëruar në 24 orët e fundit

Shkon në 39 numri i personelit mjekësor të shëruar nga COVID-19, ndërsa 3 pjesëtarë të tjerë të këtij personeli janë shëruar në 24 orët e fundit në Tiranë.

Kryeministri Rama, përmes një postimi në rrjetet sociale shkruan se së bashku me anëtarët e personelit mjekësor shkon në 19 numri i personave të shëruar nga COVID-19 në 24 orët e fundit, dhe se për të 7-ën ditë radhazi numri i të shëruarve është më i lartë se numri i të infektuarve aktivë.

“Forca! Besim dhe durim”, e mbyll mesazhin e tij kryeministri, ndërsa thekson se deri tani ka shkuar në 302 numri i të shëruarve nga koronavirusi në Shqipëri. 548 persona rezultojnë të infektuar deri tani nga koronavirusi në vendin tonë, ndërkohë 26 qytetarë kanë humbur betejën me virusin vdekjeprurës.

“LAJM I MIRË:

1 mjek dhe 2 infermierë në Tiranë janë shëruar pas testit konfirmues në laboratorin e virologjisë në ISHP, mes 19 të shëruarve në 24 orët e fundit.

Shkon në 39 numri i personelit mjekësor të shëruar nga COVID-19.

Për të shtatën ditë radhazi, numri i të shëruarve është më i lartë se numri i të infektuarve aktivë.

Deri tani 302 qytetarë e kanë fituar luftën me COVID-19. Forca! Besim dhe durim”, shkruan Rama.

---