Lajme

Shqipëri: 153 raste të reja, 4 të vdekur nga Covid

E diel, 6 Shtator 2020 - 16:45 albinfo.ch

Keystone EPA/MALTON DIBRA

Gjatë 24 orëve të fundit në Shqipëri janë kryer 847 testime për të dyshuar të prekur nga COVID-19, ku përfshihen edhe testime të kryera në laboratorët jopublikë, ndërsa 153 persona janë konfirmuar pozitivë me COVID-19, njofton Ministria e Shëndetësisë, raporton albinfo.ch.

Ndërsa 130 qytetarë e kanë fituar betejën me virusin e rrezikshëm në 24 orët e fundit, duke e çuar në 6106 që nga fillimi i epidemisë.

Sipas Ministrisë së Shëndetësisë, me gjithë përpjekjet e mjekëve dhe infermierëve në dy spitalet Covid, betejën me këtë virus të rrezikshëm nuk e kanë fituar një 64-vjeçar nga Durrësi dhe 3 qytetarë nga Tirana: një 81-vjeçar, një 85-vjeçare dhe një 87-vjeçar.