Shpërthim në Zubin-Potok

Screenshot

Një shpërthim është raportuar se ka ndodhur të mërkurën para mesnatës në një ndërtesë të pabanuar në Zubin-Potok. 

Zëvendësdrejtori i Drejtorisë Rajonale Policisë së Kosovës në Mitrovicë të Veriut, Veton Elshani, ka thënë se dyshohet që nga shpërthimi është shkaktuar zjarr. 

Ai ka thënë se nuk ka të lënduar, ndërsa policia dhe zjarrfikësit janë në vendin e ngjarjes.

“Ende nuk dihet se nga çka është shkaktuar shpërthimi, por njësitet policore adekuate janë në vendin e ngjarjes”, ka deklaruar Elshani.