Shpërthen Rooney: Futbollistët po trajtoheshin si minj

Wayne Rooney ka thënë se qeveria britanike dhe autoritetet e futbollit në Angli i kanë trajtuar futbollistët si brejtës guineas gjatë pandemisë koronavirus.

Futbolli elitar në Britani të madhe dhe në ligat e tjera elitare evropiane është pezulluar të paktën deri në fillim të muajit të ardhshëm, për shkak të përhapjes së shpejtë të sëmundjes ngjitëse, të njohur si COVID-19, transmeton Gazeta Express.

“Për lojtarët, stafin dhe familjet e tyre, kjo ka qenë një javë shqetësuese. Një javë në të cilën e kemi ndier mungesën e lidershipit nga qeveria dhe nga Federata e Futbollit (FA) dhe Premierliga”, tha Rooney.

Në kolumnën e tij në gazetën Times, ish-kapiteni i Anglisë shkroi: “Sportet e tjera, tenisi, Formula 1, ragbi, golfi dhe futbolli në vendet e tjera ishte ndërprerë, ndërsa neve na thoshin të vazhdonim. Mendoj se shumë futbollistë po vrisnin mendjen: ‘A ka të bëjë diçka me paratë kjo? Përse ne pritëm deri të premten? Pse u desh që Mikel Arteta (trajneri i Arsenalit) të sëmurej që futbolli në Angli të ndërpritej?”

“Pas takimit emergjent, më në fund u mor vendimi i duhur, e deri në ato momente futbollistët në Angli po trajtoheshin sikur minj guineas”, shtoi ai. /albinfo.ch