Shpërthen bombola e gazit, lëndohen 10 persona

Dhjetë persona janë lënduar pas një shpërthimi të një bombole të gazit në Rahovec.

Ngjarja ka ndodhur disa orë më parë, deri sa bombola e gazit ka shpërthyer në një qebaptore.

“Me datë 18.01.2019 në ora 19:55 min, permes telefonit Stacioni Policor ne Rahovec ka pranuar nje informacion se ne fshatin Ratkoc, në një lokal (qebaptore) “Te Dollari” ka ndodhur një shpërthim që dyshohet të jetë nga bombola gazi, nga ky shpërthim  dyshohet se janë lënduar disa persona (rreth 10 persona, të cilët janë dërguar në spitalin rajonal të Gjakovës), patrullat policore menjëherë janë dalë në vend të ngjarjes, kanë bërë sigurimin e vendit”, ka thënë policia.

Të lënduarit, sipas mjekut, për momentin janë jashtë rrezikut për jetën, ndërsa po mbahen në trajtim mjekësor 9 nga ta.