Shpallet emergjencë në aeroportin e Australisë

Një burrë është në paraburgim, pasi ka shkaktuar panik në Aeroportin Ndërkombëtar të Brisbanes në Australi, duke sjellë një evakuim emergjent të aeroportit si dhe pezullimin e fluturimeve.

I dyshuari thuhet se kishte një thikë dhe thoshte se kishte një bombë, sipas dëshmitarëve.

Policia e Queenslandit konfirmoi se ky person është dërguar në stacionin policor për ta marrë në pyetje, pasi oficerët kishin kryer “kërkime pastrimi” të terminalit ndërkombëtar, shkruan kk, përcjell albinfo.ch.

“Nuk ka prova për të thënë se incidenti në aeroportin ndërkombëtar është i lidhur me terrorizmin, është një situatë e lidhur me dhunën në familje”, tha policia.

“Nuk ka lëndime dhe vetëm policia është në vendin e ngjarjes. Avionët dhe trenat ishin ndaluar në këtë kohë”, tha policia.

Policia shpalli emergjencë në aeroport pak përpara orës 21:00 në Brisbane dhe përfundoi në orën 11 sipas kohës lokale.