Shoqata “Bashkimi” nga Usteri prezantoi veshjet tradicionale shqiptare, krahas kostumeve zvicerane

Festimi i traditës dhe unitetit në “Festivalin Federal të Kostumeve”

Në Zvicër “Festivali Federal i Kostumeve” mbahet që nga viti 1896 dhe mbahet çdo dymbëdhjetë vjet, ky festival është një vitrinë e gjallë e trashëgimisë zvicerane.

Brenda programit të këtij festivali u panë edhe anëtarët e shoqatës “Bashkimi” nga qyteti Uster i Kantonit të Cyrihut, të cilët prezantuan veshjet tradicionale shqiptare krahas kostumeve zvicerane.

Gjatë këtij festivali, fjalim mbajti presidentja zvicerane, Viola Amherd, e cila theksoi se: “Në një kohë ndasish në mbarë botën, festimi i diversitetit dhe vlerave tona të përbashkëta është thelbësor”.

 

---