Shoferët e taksive protestojnë përsëri kundër Uber-it

(KEYSTONE/Salvatore Di Nolfi)

Më shumë se 150 shoferë taksish nga Gjeneva protestuan dje në mes të qytetit, duke pretenduar se Uber po vepron në mënyrë të paligjshme dhe duhet të ndalohet.

Shoferët u takuan në Place Neuve dhe marshuan drejt Qytetit të Vjetër, transmeton albinfo.ch.

Ata pretendojnë se Uber ka qenë i paligjshëm që nga vendimi i Gjykatës Federale muajin e kaluar, që zbuloi se kompania i punëson shoferët dhe duhet t’i trajtojë ata si punëtorë.

Shoferët e taksive thonë se Uber është konkurrencë e padrejtë.

Ata gjithashtu thonë se duhet të jenë të trajnuar, të njohin rrugët e qytetit dhe se nuk kanë nevojë të mbështeten në GPS.