Shkollat në Vjenë nuk kanë hapësirë për të gjithë nxënësit

(KEYSTONE/Laurent Gillieron)

Shkollat e Vjenës nuk kanë hapësirë të mjaftueshme për të gjithë nxënësit e tyre, kështu që qyteti planifikon të investojë 14 milionë euro për të zgjidhur këtë çështje, raportoi Der Standard.

Qyteti i Vjenës ka vendosur të ndërtojë 45 klasa të përkohshme, ndërsa planifikon të ndërtojë 103 të reja të përhershme. Këto klasa të përkohshme do të përdoren në pesë shkolla të ndryshme duke filluar nga viti i ardhshëm shkollor, transmeton albinfo.at.

Çdo grup klasash të përkohshme, me kontejnerë do të ketë deri në nëntë dhoma, duke përfshirë tualete dhe një dhomë stafi.

103 klasat e reja të përhershme janë planifikuar të jenë gati për vitin e ardhshëm akademik.