Shkolla shqipe në Lozanë: Manifestim të larmishëm shkollor

Të dielën më 15 Mars 2015 në orën 14:00 në "Salle de Grand Vennes" Chemin des Abeilles 17, 1010 Lausanne

Të nderuar bashkatdhetarë, Shkolla Shqipe e Mësimit Plotësues në Lozanë, për nder të festave kombëtare 17 Shkurti – Dita e Pavarësisë së Kosovës dhe 7 Marsi – Dita e Mësuesit organizon një manifestim të larmishëm shkollor.

Në programin e përgatitur nga nxënësit dhe mësimdhënësit e Shkollës Shqipe do të keni rastin të përcillni recitime, valle dhe këngë të ndryshme që i kushtohen festave tona kombëtare.

Po ashtu shoqata e studentëve shqiptarë pranë universitetit të Lozanës (UNIL) së bashku me nxënësit e shkollës shqipe nga Lozana do të paraqesin pjesën e shkurtë teatrale “Luani udhëton në Kosovë”.

Në kuadër të manifestimit do të hapet edhe ekspozita e pikturave të nxënësve të shkollës shqipe nga Lozana nën udhëheqjen e piktorit tonë Samedin Asllani.

Si mysafirë të këtij manifestimi do të paraqiten edhe nxënësit që vijojnë mësimin e gjuhës amtare në komunat Rolle dhe Morges të kantonit Vaud.

Duke shpresuar se ftesa jonë do të tërheq vëmendjen tuaj, të nderuar bashkatdhetarë, ju ftojmë që të jeni pjesëmarrës në këtë manifestim shkollor së bashku me fëmijët dhe miqtë tuaj.

Manifestimi do të mbahet: Të dielën më 15 Mars 2015 në orën 14:00 në “Salle de Grand Vennes” Chemin des Abeilles 17, 1010 Lausanne.

Pjesëmarrja juaj në manifestim do të nderon festat tona kombëtare dhe do të jetë një përkrahje për nxënësit e shkollës shqipe.

Në emër të këshillit organizativ: Isni Idrizi, koordinator Tel: 079 477 1922 021 550 4215

Ftesa në vijim:

---