Shkëlqimi i Rashicës dhe Zenelit

Milot Rashica ka realizuar pesë gola në vitin 2019, duke qenë jo vetëm një nga futbollistët kryesor te Werder Bremen, por edhe në Gjermani

Kosova këtë muaj do të ketë dy ndeshje. Miqësore me Danimarkën dhe kualifikuese me Bullgarinë.

Futbollistët e saj janë në top formë para këtyre ndeshjeve dhe po vazhdojnë të shkëlqejnë në ligat evropiane, shkruan albinfo.ch.

Milot Rashica tashmë është shndërruar në futbollistin kyç të Werder Bremen. Në ndeshjen e fundit shënoi dy gola ndaj Schalkes në fitoren 4:2, përcjell tutje albinfo.ch.

Rashica ka realizuar pesë gola në vitin 2019, duke qenë jo vetëm një nga futbollistët kryesor te Werder Bremen, por edhe në Gjermani.

Ndërkohë, me paraqitje shumë të mira po vazhdon edhe Arbër Zeneli me Reimsin në Francë.

Ai shënoi edhe në ndeshjen e fundit kundër Dijonit, në takimin që përfundoi 1:1.

Pas ndeshjes, “Whoscored” ka publikuar vlerësimet e futbollistëve, duke e shpallur Zenelin “Lojtarin e Ndeshjes” me notën 8.5.

---