Shkallët e Eiffelit, në ankand

Një seksion i shkallëve origjinale të kullës Eiffel do të dalin në ankand në Paris, me ç’rast shtëpia e ankandeve Artcurial pohon se mund të shitën për së paku 500 mijë euro.

“Kulla Eiffel në Paris është monumenti më i njohur në botë. Është monument që mahnit të huajt. Kemi shumë amerikanë e kinezë e kanadezë që fascinohen nga kulla. Është mundësi historike tani edhe të kenë një copëz shkallë”, tha specialistja e art depos në shtëpinë e ankandeve Cecila Tajan, transmeton albinfo.ch.

Shkallët spirale ishin ndërtuar në vitin 1889 dhe ishin instaluar me 8 nëntor në kopshtin e Artcurialit afër Champs-Elysées.

Shkallët prej 4.3 metra lartësi ishin pjesë e shkallëve origjinale që çonin në katin e dytë të kullës më të njohur në botë.  Në vitin 1983 shkallët origjinale mes kateve ishin çmontuar pas instalimit të ashensorit dhe kateve më të larta.

Më pas u këputën në 24 seksione, me lartësi prej 2 deri në 9 metra. Në dhjetor të po atij viti të gjitha seksionet dolën në ankand dhe u shitën në pjesë të ndryshme të botës. E në vitin 2016 Artcurial ka shitur edhe një seksion të shkallëve për 500 mijë euro, sukses ky për të cilin shpresojnë të përsëritet.

“Shkallet vlerësohen mes 40 mijë e 60 mijë euro. Por në vitin 2016 i shitëm për çmim marramendës. Andaj shpresojmë ta përsërisim këtë”, shtoi Tajan.

Meqë vijnë nga një koleksionues provat kanadez, shkallët vlerësohet se mund të shiten për 600 mijë euro.