Shifrat e BAG tregojnë për një ulje të lehtë të infeksioneve

Gjatë 24 orëve të fundit raportohen 4020 raste të reja pozitive me virusin korona dhe 98 vdekje

Zyra Federale e Shëndetit Publik (BAG) raporton sot 4020 raste të reja që kanë rezultuar pozitive me virusin korona gjatë 24 orëve të fundit. Kjo e vendos në 3346 raste në ditë mesataren e 7 ditëve të fundit që, është për 3% më pak se në javën e kaluar, njofton srf.ch.

Prandaj, konsiderohet se trendi aktualisht është në rënie.

Shkalla pozitive mesatare 7 ditore është 17.0 për qind që do të thotë se nga 100 teste, mesatarisht 17 ishin pozitive, transmeton albinfo.ch. Krahasuar me javën e kaluar, shkalla e pozitivitetit është rritur me tri pikë përqindjeje.

BAG raporton gjithashtu 98 vdekje nga koconavirusi gjatë 24 orëve të fundit. Mesatarja 7 ditore është 58 të vdekur dhe kjo është 25 për qind më pak se në javën e kaluar.

2699 njerëz aktualisht janë duke u trajtuar në spitale për Covid-19. Kjo është dy përqind më shumë se në javën e kaluar, përcjell albinfo.ch. Shtretërit e kujdesit intensiv janë duke u shfrytëzuar në masën prej 88 për qind.

---