Shifra alarmante, kosovarët po e lënë Kosovën

Rreth 5 mijë qytetarë  çdo vit largohet nga shteti i Kosovës.

Sipas statistikave, çdo vit Kosovën e lënë rreth 5 mijë qytetarë, teksa nga viti 2009 e kanë lënë mbi 40 mijë shtetas.

Nga janari e deri në gusht të këtij viti nga shtetësia e Kosovës, sipas Ministrisë së Punëve të Brendshme, janë liruar mbi tre mijë persona.

Lënia e shtetit të Kosovës po vazhdon vit pas viti, e duke u bazuar në statistikat e MPB-së, ky numër është duke shënuar rritje, shkruan sot Gazeta Zëri

Shkaqet kryesore, të cilat kanë ndikuar në rritjen e këtij numri, sipas njohësve të rrethanave janë: kërkesat recidive të disa shteteve ku punojnë e jetojnë aktualisht kosovarët, rrjedhat politike e politikëbërja në vend, si dhe faktorët ekonomikë e politiko-socialë.

Po ashtu, sipas tyre, rritjen e numrit të personave që i thonë lamtumirë shtetësisë së Kosovës ka ndikuar edhe zvarritja e liberalizimit të vizave për Kosovën, përcjell albinfo.ch.