Lajme

Shfaqen raste të reja me variantin e ri të COVID-19 në Evropë

E shtunë, 26 Dhjetor 2020 - 17:40 albinfo.ch
(KEYSTONE/Jean-Christophe Bott)

Spanja, Franca, Danimarka dhe Holanda po ashtu kanë raportuar raste me variantin e ri të COVID-19, transmeton albinfo.ch.

BBC në një raport të fundit, shkruan se të gjithë të infektuarit me variantin e ri, ishin në Madrid dhe lidhen me një udhëtim nga Britania.

Shkencëtarët thonë se varianti i ri i koronavirusit përcillet më lehtë tek njerëzit, porse nuk është më i rrezikshëm se virusi që ka filluar prej më shumë se një viti.

Zëdhënësi i shëndetësisë në Madrid, Antonio Zapatero, tha se rastet lidhen me një udhëtim nga Britania.

Ai shton se asnjë nga të infektuarit nuk është në gjendje shëndetësore të vështirë dhe se “nuk ka nevojë për alarmim”.

Ndërsa ka bërë të ditur se janë edhe tri raste të reja që dyshohen, por që rezultatet nuk do të dalin deri në martën apo të mërkurën.

 Të ngjashme

Pas korrigjimit: SBB, nga vendi i dytë bie në vendin e njëmbëdhjetë në Evropë

 Të tjera nga Lajme

Edon Zhegrova ende jo në formën maksimale tek Juventus, por Spalletti është bindur nga paraqitjet e tij

 E-Diaspora

 Jeta në Austri