Shënojnë Ajeti dhe Bajrami në Superligën zvicerane (video)

Albian Ajeti dhe Nedim Bajrami kanë shënuar gola për skuadrat e tyre, derisa gol të bukur ka realizuar edhe Milot Rashica për Vitessen në Holandë

Foto Facebook

Edhe në këtë fundjavë futbollistët shqiptarë kanë qenë protagonistë në Superligën zvicerane, shkruan albinfo.ch.

Albian Ajeti ka vazhduar me formë të mirë për St. Gallenin, duke realizuar golin e radhës. Ai shënoi golin e parë në fitoren 3:0 ndaj Thunit. Futbollisti shqiptar realizoi nga afërsia në minutën e 19-të. Ky ishte goli i tretë për të në këtë kampionat.

http://www.dailymotion.com/video/x61tnlw

Gol ka realizuar edhe Nedim Bajrami për Grasshoppersin në fitoren e pastër 3:0 ndaj Luganos në udhëtim. Bajrami ka realizuar golin e dytë në minutën e 77-të.

Bajrami është vetëm 18-vjeçar derisa është paraqitur për grupmoshat e Zvicrës.

http://www.dailymotion.com/video/x61trus

Gol këtë fundjavë ka realizuar edhe Milot Rashica për Vitessen kundër skuadrës së madhe holandeze, Ajax. Vitesse fitoi në udhëtim 2:1.