Shefi akuzohet për sjellje të këqija në punë

Shefi i dyqaneve të njohura të modës në Britani të Madhe, “Ted Baker”, ka dhënë dorëheqje, shkaku i akuzave për sjellje jo të mira, pasi 200 punëtorë janë ankuar se ai i kishte detyruar të përqafoheshin me njëri-tjetrin gjatë orarit të punës. 

Ray Kevin, themelues dhe shef ekzekutiv i dyqaneve të modës në Britani të Madhe, “Ted Baker Plc”, ka dhënë dorëheqje të hënën, shkaku i akuzave për sjellje të këqija ndaj kolegëve të punës, përcjell albinfo.ch.

Dyqanet “Ted Baker” kishin nisur një hetim të pavarur për akuzat ndaj Kevinit në muajin dhjetor, kur në një fushatë online 200 punëtorët e akuzonin shefin se i ka bërë të detyrueshme përqafimet me kolegët në vendet e punës. “Kevini i ka mohuar akuza për sjellje të këqija. Ai është pajtuar që të japë dorëheqje të menjëhershme nga pozita e tij si shef ekzekutiv dhe si drejtor i ‘Ted Baker’”, thuhej në njoftimin e kompanisë. Hetimi i dyqanit ndaj këtyre akuzave do të vazhdojë deri në vjeshtën e vitit 2019.