SHBA po shqyrton lëvizjen e trupave nga Evropa Perëndimore në Evropën Lindore

Shtetet e Bashkuara po konsiderojnë transferimin e disa trupave të stacionuara në Evropën Perëndimore në Evropën Lindore javët e ardhshme, tha një diplomat i NATO-s për Reuters, mes përshkallëzimit të tensioneve midis Ukrainës dhe Rusisë.

“Kjo ka të bëjë me trupat amerikane që janë tashmë në Evropën [Perëndimore]”, tha diplomati, duke folur në kushte anonimiteti, duke konfirmuar një raport të New York Times që thoshte se presidenti amerikan, Joe Biden, po konsideronte dërgimin e trupave amerikane në Baltik dhe Lindor.

NATO tha të hënën se po vendoste forcat në gatishmëri dhe po përforconte Evropën Lindore me më shumë anije dhe avionë luftarakë, në atë që Rusia e denoncoi si një përshkallëzim të tensioneve mbi Ukrainën. Diplomati tha se lëvizjet e mundshme të trupave do të ishin graduale dhe se çdo mbushje e boshllëqeve të NATO-s në krahun e saj lindor mund të ndodhë në javët e ardhshme, përcjell tutje albinfo.ch.