SHBA-ja kërkon lirimin e menjëhershëm të tre policëve të Kosovës

Departamenti Amerikan i Shtetit ka reaguar, duke kërkuar lirimin e menjëhershëm dhe pa kushte të tre policëve të Kosovës të ndaluar nga Serbia.

Në një deklaratë të enjten, DASH ka thënë se Kosova dhe Serbia duhet të ndërmarrin hapa të menjëhershëm për të depërshkallëzuar tensionet, përcjell Albinfo.ch.

“Ne besojmë se Kosova dhe Serbia duhet të ndërmarrin hapa të menjëhershëm për të ulur tensionet”, u tha gazetarëve zëdhënësi i Departamentit të Shtetit, Matthew Miller.

Tre policët kufitarë të Kosovës u kidnapuan të mërkurën në mesditë. Kjo erdhi pas një sërë zhvillimesh që kanë ngritur tensionet mes Kosovës dhe Serbisë, duke shkaktuar frikë nga përsëritja e dhunës mes ish-armiqve të kohës së luftës./Albinfo.ch