Serwer i reagon Bërnabiqit: Askush s’ka të drejtë të bllokojë rrugë

Eksperti amerikan i sigurisë, Daniel Serwer, ka komentuar zhvillimet e fundit në Kosovë pas barrikadimit të rrugëve në veri të vendit. Ai tha se askush nuk dyshon në të drejtën e serbëve për të protestuar, por theksoi se askush nuk ka të drejtë të bllokojë rrugët, të sulmojë policinë dhe të rrezikojë sigurinë publike.

“Askush nuk dyshon në të drejtën e serbëve në Kosovë për të protestuar në mënyrë paqësore, por nuk ka të drejtë të bllokojë rrugët, të sulmojë policinë dhe të rrezikojë sigurinë publike. Dhe, nuk ka të drejtë si kryeministër i Serbisë të përdorë njerëzit në listën e pagave të shtetit tuaj për të destabilizuar një shtet fqinj”, ka shkruar Serwer në Twitter, transmeton albinfo.ch.

Këto komente të tij vijnë si kundërpërgjigje ndaj deklaratave të kryeministres serbe, Ana Bërnabiq, në lidhje me barrikadat dhe tensionet në veri të Kosovës.