Kosova

Sërish hidhet gaz në kuvend, arrestohen disa deputetë të VV

Policia ka larguar disa prej deputetëve të VV-së nga salla, ndërsa Xhelal Sveçlën, Drita Millakun, Fitore Pacollin dhe Sali Zybën policia i ka arrestuar

E mërkurë, 21 Mars 2018 - 17:11 albinfo.ch

Edhe pas tentativës së tretë për të votuar Marrëveshjen e Demarkacionit me Malin e Zi, është hedhur sërish sot gaz lotsjellës në Kuvendin e Kosovës.

Gaz lotsjellës edhe më herët është hedhur sot në Kuvendin e Kosovës, nga deputetët e Lëvizjes Vetëvendosje, njofton rtklive.com.

Pas hedhjes së gazit, Kryetari i  Kuvendit Kadri Veseli urdhëroi të zbrazet salla, ndërkohë që njoftoi vazhdimin e seancës në orën 16.30

Kryesia e Kuvendit, me anë të një vendimi të nxjerrë, ka kërkuar nga Policia e Kosovës që të kontrollojë të gjithë sallën e Kuvendit në mënyrë që t’u mundësohet mbajtja e seancës, raporton Gazeta Express

“Kërkohet nga Policia e Kosovës që për shkaqe sigurie dhe të krijimit të kushteve të punës për të mbajtur seancë, të kontrollojë sallën e seancave plenare”, shkruhet në vendimin e Kryesisë.

Lëvizja Vetëvendosje ka hedhur gaz lotsjellës tri herë sot gjatë ditës, duke pamundësuar votimin e Demarkacionit.

Policia e Kosovës ka larguar disa prej deputetëve të VV-së nga salla, ndërsa Xhelal Sveçlën, Drita Millakun, Fitore Pacollin dhe Sali Zybën policia i ka arrestuar.

 

 Të tjera nga Kosova

Kosova shënon rritje industriale, prezantohen planet për mbështetjen e NVM-ve në 2026

 E-Diaspora

 Jeta në Austri